БАСПАСӨЗ ХАБАРЛАМАСЫ
JAŃA DALA / GREEN DAY ‘2025» КӨРМЕСІНДЕ ЕҢ ҮЗДІК БҰҚА АНЫҚТАЛДЫ
18.07.2025 г.
Қазақстандағы №1 бұқа анықталып, оның иесі мен шаруашылығы жаңа YTO дөңгелекті тракторының иегері атанды! Ауқымды «Jańa Dala / Green Day ‘2025» мамандандырылған көрме-демонстрациясы аясында етті ірі қара мал тұқымдары арасында Ұлттық байқау мәресіне жетті.
Халықаралық беделді қазылар алқасының шешімімен «Jańa Dala / Green Day ‘2025» байқауының «Ең үздік бұқа» номинациясындағы Абсолютті чемпион атағы Ақмола облысындағы “KAZBEEF LTD” ЖШС-на тиесілі ангус тұқымды «Maverick» есімді бұқаға бұйырды. Оның жасы – 51 ай, салмағы – 970 кг.
Бас жүлде — трактордың кілтін жеңімпазға байқаудың демеушісі — «АГРОТЕХМЕНЕДЖМЕНТ» ЖШС өкілі табыстады.
Бұқалар арасындағы Абсолютті чемпионды таңдау — ангус, герефорд, қазақтың ақбас тұқымы, қалмақ тұқымдарын ұсынған Республикалық палаталардың кәсіби малшылары арасындағы әсерлі сайыстың шарықтау шегі болды.
АҚШ, Ұлыбритания және Ресейден келген үш танымал сарапшыдан құралған қазылар алқасына басты шешімді қабылдау үшін шамамен бір сағат қажет болды.
Абсолютті чемпионнан кейінгі орындар төмендегідей бөлінді:
🔸 1-орын – «Қыран» есімді қазақтың ақбас тұқымды бұқа, Батыс Қазақстан облысындағы «Сәбит» шаруа қожалығы;
🔸 2-орын – «Терри» есімді қалмақ тұқымды бұқа, Ақмола облысындағы «Айдар» ШҚ.
Айта кетейік, дәстүрлі Ұлттық байқау 17-18 шілде күндері «Jańa Dala / Green Day ‘2025» халықаралық мамандандырылған көрме-демонстрациясы аясында өтті. Байқауға Қазақстанның түрлі өңірлерінен 19 шаруашылықтың 47 бұқасы қатысты.
Көрме мен байқау Астана қаласынан 20 шақырым қашықтықтағы Ақмола облысы, Целиноград ауданы, «Ақтық» Агрофирмасы» АҚ демонстрациялық алқаптарында ұйымдастырылды.
Іс-шараны ұйымдастырушы – Қазақстандағы АӨК саласындағы жетекші халықаралық көрмелерді өткізетін «EXPO TIME» компаниясы.
________________________________________________
«Jańa Dala / Green Day» ақпараттық орталығы
Ринат Тасбулатов, 8 701 460 91 82
e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
